Вкусни и нискокалорични – мини тартови со печурки и пармезан
Печурките се една од најдобрите опции кога сакаме да подготвиме лесни, здрави и ниско калорични рецепти. Тие се секогаш застапени во здравствените препораки, а тоа се должи на нивната висока нутритивност во комбинација со исклучително малиот број калории кои ги содржат.
Состојки:
– 600 грама шампињони
– 200 грама изрендан пармезан
– 350 грама брашно
– 400 грама путер
– 1 јајце
– 1 жолчка
– 20 грама сол
– 2 чешниња лук
– 200 грама кромид
– 0,5 грама црвен пипер
– 1 гранче свеж магдонос
Подготовка:
Во подлбок сад ставете ги брашното, 250 грама од путерот, јајцето, жолчката и 10 грама сол и замесете тесто. Поставете го тестото на парче проѕирна фолија, па прекријте го со друго парче и потоа развлечете го сè дур не дојде на дебелина од 3-4 милиметри. Намачкајте ги калапите со големина од 8-11 сантиметри со путер (околу 50, 60 грама), и исечкајте го тестото на парчиња што ќе бидат околу 2 сантиметри поголеми од калапот. Пополнете ги калапите, покријте со алуминиумска фолија и печете 15-тина минути на 180 степени.
Во меѓувреме, тенко исечкајте ги кромидот и лукот, како и печурките. Пропржете ги на путер, и потоа зачинете со солта и црвениот пипер. Извадете ги тарт – калапите од рерна, тргнете ја алуминиумската фолија, ставете го сосот што го добивте и вратете ги во рерна на уште 4-5 минути.
Пред послужување просипете пармезан и декорирајте со листови свеж магдонос.
Добар апетит!