ФОТО | Вин Дизел со „домаќински“ стомак: Каде исчезнаа совршено дефинираните мускули на актерот?
Вин Дизел гордо го претстави своето „опуштено“ тело во текот на викендот, на кое веќе нема ни трага од дефинирани мускули на кои сме навикнале во изминатите десет години.
Актерот викендот го помина дружејќи се со својата девојка Палома Хименез, но и со Зои Салдана и нејзиниот сопруг Марко Перег, на нивната луксузна јахта во Портофино, Италија.
Дизел шеташе околу јахтата во црни гаќи за капење и се чини дека не се грижеше многу за папараците кои го фотографираа. Некогаш силното и мускулесто тело, сега е бледо минато. Сепак, тоа не е проблем за актерот и неговата самодоверба.
Претходно, за време на разговор со американските медиуми, актерот изјавил дека за кратко време решил да направи пауза од здрава исхрана и вежбање помеѓу улогите бидејќи бил далеку од камерата и не се грижел.
Дизел, исто така, признал дека успеал повеќе да не го засегаат негативни коментари за неговото тело.
„Веќе со децении наназад го имав најубавото тело во Њујорк. Денес, ме нарекуваат дебел. Не гледам ништо лошо во тоа. Како прво, неколку месеци не треба да глумам, па можам да се опуштам малку“, истакнал Дизел.