Виетнам е пример за борба против коронавирусот: Од 95 милиони жители, само 262 заразени, починати нема
Во оваа комунистичка земја на југоистокот на Азија досега нема починати од Ковид -19, а стапката на зараза е значително пониска отколку во развиената Јужна Кореа, Сингапур, па дури и Тајван.
Како земја која нема ниту еден смртен случај, а бројот на заразените од коронавирус се движи околу 200, Виетнам ги доби сите пофалби од СЗО и може да им служи како пример на другите држави како успеа да ја скроти пандемијата.
Бројот на заразени во Виетнам според бројачот на Универзитетот Џонс Хопкинс е 262, во земја која брои над 95 милиони жители.
Службената статистика покажува дека во Виетнам во карантин или изолација моментално се 75.000 лица, а државата до сега направи над 121.000 тестови.
Во оваа комунистичка земја на југоистокот на Азија досега нема починати од Ковид -19, а стапката на зараза е значително пониска отколку во развиената Јужна Кореа, Сингапур, па дури и Тајван – држави кои се пофалени поради својот одговор на кризата, пренесува Индекс.хр.
Кидонг Парк, претставник на СЗО за Виетнам, верува дека за неговиот успех клучно било раното дејствување.
„Виетнам на пандемијата одговори рано и проактивно. Нивната прва вежба за проценка на ризикот се случи на почетокот на јануари, недолго откако се пријавени првите случаи во Кина“, истакнува Парк и додава дека дрѓавата брзо воспоставила Национален управувачки одбор за превенција и контрола на Ковид – 19.
Иако има мал број на потврдени случаи, и Виетнам на 1. април ја стави целата држава во карантин, многу побрзо и поодлучно отколку Велика Британија и Италија кои тоа го направија дури откако бројот на заразени почна да им се смета во илјади.