Денеска се одиграа пет натпревари од 15. коло во германската фудбалска Бундеслига, Баерн ја оправда фаворитската улога дома над Мајнц, додека Борусија Дортмунд само ремизираше на гостувањето кај Бохум.

Мајнц го изненади баварскиот гигант со предност по првите 45 минута, Онисиво стрелаше во мрежата на Нојер за 0:1.

Целосниот пресврт се случи во вториот дел во кој најпрвин израмни Коман (53`), а за 12 победа сезонава се погрижи Мусиала (74`).

Од една страна играчите на Нагелсман ја продолжуваат победничката низа, а Дортмунд како да го губи чекорот со Баерн.

„Милионерите“ беа во негатива против Бохум кој водеше со 1:0, стрелец на голот беше Полтер од пенал, а израмни Брандт во 85 минута од средбата.

На табелата Баерн е првопласиран со 37 бодови, шест повеќе од Борусија Дортмунд. Во другите три денешни мечеви: Фрајбург – Хофенхајм 1:2, Херта Берлин – Арминија Билефилд 2:0 и Лајпциг – Борусија Менхенгладбах 4:1.