Редовната седница на бугарското Народно собрание беше прекината поради тепачка меѓу пратеници, која што се случи пред очите на јавноста и телевизиските камери, пренесуваат бугарските медиуми.

Инцидентот, според медиумите, избувнал додека министерот за енергетика во оставка, Жечо Станков, одговарал на прашања за проектот за изградба на 7-ми и 8-ми блок на нуклеарната централа „Козлодуј“.

Во исто време, пратениците Ѓунај Далоолу („ДПС – Ново начало“) и Радостин Василев (МЕЧ) влегоа во жестока расправија која ескалираше во физички судир – со туркање, клоцање и обиди за удари. Двајцата разменуваа и тешки навреди и закани, што ја вжешти атмосферата во салата.

Расправијата брзо ескалираше во физички судир, при што, според снимките, имаше клоцање од страна на Василев, туркање од Далоолу и обид за удар со тупаница.

Покрај физичкиот судир, двајцата пратеници разменувале и тешки навреди и закани што дополнително ја вжешти атмосферата во салата.

Претседателката на парламентот, Раја Назарјан, прогласи пауза до 11:00 часот за смирување на тензиите.