Студентот од Флорида, Крис Посписил (21), го опиша застрашувачкиот момент кога ајкулата го зграпчила за стапалото и го повлекла под вода пред да биде спасен од пријателот.

Посписил и неговиот пријател Рис Редиш сурфале на плажата Њу Смирна и се подготвувале да тргнат кон брегот кога биле нападнати од ајкула.

– Ајкулата се појави под мојата даска и ме собори, паднав на грб. Го видов само моето стапало во нејзината уста, ме повлече во длабочините – рекол Посписил.

Редиш слушнал нешто како пука и забележал дека неговиот пријател е во водата.

– Извика дека е гризнат – рекол пријателот.

Кога Посписил изронил, Редиш го зграпчил и го повлекол назад на даската за сурфање.

– Нема да го оставам мојот пријател во вода. Подготвен сум да го ризикувам сопствениот живот за да помогнам некому – порачал сурферот.

Посписил мораше да оди на итна операција поради седум скинати тетиви откако забот на ајкулата се зарил во неговата коска.

Во меѓувреме, тој е пуштен од болница, но закрепнувањето ќе трае со месеци со физикална терапија.

– Врвот на моето стапало ќе ми биде умртвен во одредени делови до крајот на животот, а самото стапало може да биде вкочането. Да не беше Рис, мислам дека немаше да успеам навреме да стигнам до брегот, веројатно ќе изгубев свест во водата – рекол студентот.

И покрај се, двајцата пријатели планираат повторно да пливаат и сурфаат во првата прилика.