ВИДЕО: Страшна Барса, Фенербахче подобар во пресметката со Црвена звезда
Денеска се комплетираше првото коло во кошаркарската Евролига, играчите на Барселона на еден извонреден начин ја стартуваа новата сезона со домашната убедлива победа над Алба Берлин со резултат 96:64.
Уште во првата четвртина каталонскиот клуб обезбеди голема разлика, водеше по првите 10 минути со 28:15, а до крајот на втората делница веќе обезбеди 20 коша позитива.
Во победничките редови најдобро се истакна Миротиќ со 22 поени, а 10 помалку имаше Јокубаитис.
На спротивната страна американскиот интернационалец Сима имаше „дабл-дабл“ учинок од 16 поени и 10 поени.
Фенербахче беше подобар во натпреварот против Црвена звезда со 61:57, за турскиот претставник Пјер имаше 13 поени, три помалку од Ивановиќ кој беше најефикасен за српската екипа.
Се одиграа уште три средби, во рускиот дуел Зенит Петерсбург славеше минимално 69:70 над Уникс Казан, Лион-Вилербан го надигра Жалгирис Каунас (88:76), додека Олимпијакос со 75:50 ја преслуша Басконија.
ВИДЕО: Стартуваше новата сезона во Евролигата, шампионот поразен од Реал Мадрид