Официјално стартуваа новите возбудувања во кошаркарската Евролигата (2021/2022), а веќе во првото коло актуелниот шампион Анадолу Ефес доживеа висок пораз од Реал Мадрид со резултат 82:69.

„Кралевите“ имаа одличен почеток на натпреварот и веќе во првата четвртина имаа дури „плус 17“ поени предност (32:15).

Стекнатото водство „кралевите“ лесно го одржуваа во понатамошниот дел од дуелот. Позитивата растеше и над 20, а на крајот Шпанците славеа триумф од 13 разлика.

Во победничките редови по 15 поени имаа Ертел и Јабуселе, а за турската екипа 21 кош запиша Ларкин. Монако пред своите навивачи го совлада Панатинакос (75:63), а најефикасен беше Анѓушиќ со 17 поени за францускиот претставник.

Макаби Тел Авив беше подобар од Баерн со резултат 69:68 со феноменалната партија на Вилбекин (28 поени) кај Израелците, а Милано со 84:74 ја надигра ЦСКА.