Во последниот натпревар од Премиер лигата во 2022 година, Арсенал го совлада тимот на Брајтон со 4:2 како гостин во 18 коло и дополнително се зацврсти на врвот на табелата, откако Манчестер сити киксна против Евертон.

„Топчиите“ сега имаат дури седум бода повеќе од „граѓаните“, а сè посилен е впечатокот дека ќе биде тешко некој да ги спречи да го остварат сонот напролет и конечно да ја освојат толку посакуваната шампионска титула.

Головите за Арсенал ги постигнаа Сака, Одегард, Нкетиа и Мартинели, а за Брајтон стрелци беа Митома и Фергусон.

Во останатите натпревари: Бурнмаут – Кристал палас 0:2, Фулам – Саутемптон 2:1, Манчестер сити – Евертон 1:1 и Њукасл – Лидс 0:0.

Табела: Арсенал 43 бодови, Манчестер сити 36, Њукасл 34, Манчестер јунајтед 32, Тотенхем 30, Ливерпул 28, Фулам 25, Брајтон 24, Челси 24, Брентфорд 22…

ВИДЕО: „Недисциплинираниот“ Рашфорд му донесе победа на Манчестер јунајтед