ВИДЕО | Слушнете ја „Засекогаш“: Кристина Арнаудова се врати на сцената со нова песна
По подолга музичка пауза, денеска во етерот е пуштен новиот сингл на Кристина Арнаудова, насловен „Засекогаш“.
Музиката и текстот се на Весна Малинова, додека аранжманот и продукцијата на Роберт Билбилов.
Во исто време, денеска е пуштен во етер и видеозаписот за „Засекогаш“, во режија и продукција на Александар Ристовски Принц.
Од пред 10 дена исто така, целиот снимен материјал и сите албуми на Кристина, можат да се најдат, слушаат и стримуваат на сите музички дигитални платформи, а за таа намена, таа потпиша договор со „Вирџинија рекордс“ (Virginia Records), како нејзини издавачи за дигитални платформи.
Кристина вели дека оваа песна е она што успеало да ја врати во студио, бидејќи, е песна, која морала да биде отпеана и едноставно не можела да ја одбие.
Како и досега, примарна работа за Кристина останува нејзиното хуманитарно здружение „Проект среќа“ каде последниве 7 години го посветува најголемиот дел од своето време и енергија.