Шпанскиот новинар Антонио Лобато ја згрози јавноста со невкусната шега на сметка на Михаел Шумахер.

Лобато гостуваше во емисијата на „ДАЗН“ каде што ги коментираше случувањата во Формула 1. Еден од гостите во еден момент прокоментира:

„Оставете го Адријан Њуи да се тресе“, по што Лобато дофрли: Нека се тресе Михаел. Ау, па Михаел не може да се тресе“.

Поради ова се најде под големи критики на јавноста, па одлучи да се извини.

„Направив грешка, немав лоша намера. Не се изразив добро и не сакав да го исмејувам Шумахер. Луѓето кои ме познаваат знаат дека никогаш не би направил такво нешто. Тоа беше несмасно. Се извинувам на сите кои се почувствуваа навредени. На Михаел искрено му се восхитувам“, изјави Шпанецот.

Ќе потсетиме, Шумахер во 2013 година доживеа тешка несреќа при скијање на француските Алпи и од тогаш беше во индуцирана кома до 2014 година, по што беше префрлен во неговата семјна куќа во Швајцарија, но информации за неговата состојба нема многу.

Spanish commentator laughing at Michael Schumacher.

-Toni Cuquerella: “Let Adrian Newey tremble, Antonio Lobato is coming”.

-Antonio Lobato: “Let Michael tremble, well not Michael, he can’t tremble”.

I haven’t watched it on @DAZN_ES for years because these idiots host it. pic.twitter.com/PoJYNggo3Z

— Ari³ (@h0neybadgerkiki) September 25, 2023