ВИДЕО | Шампионот падна пред Шарлот, трипл-дабл за Дончиќ во поразот од Оклахома
Изминатата ноќ во НБА лигата се одиграа шест натпревари, а најинтересно беше во натпреварот во Северна Каролина каде што Шарлот после продолжение славеше против шампионот Голден Стејт.
Во поголем дел од натпреварот Вориорси бркаа негатива, откако се вратија во игра и влегоа во потребниот ритам не искористија голема шанса за победа. Во продолжението Шарлот беше многу подобар тим и заслужено славеше триумф од 120:113.
Најдобриот поединец кај Вориорси беше Стеф Кари со дабл-дабл од 31 поен и 11 скока, ист учинок на спротивната страна оствари Вашингтон.
После продолженија изгуби и Далас. Лука Дончиќ повторно имаше одлична вечер, но неговиот тим загуби од Оклахома со 111:117. Во поразот Дончиќ стигна до трипл-дабл со 31 поен, 16 скока и 10 асистенции. Во победничкиот тим најдобар беше Шај Гилџис Александер со 38 поени, шест скока и девет асистенции.
НБА РЕЗУЛТАТИ: Шарлот – Голден Стејт 120-113 (прод.), Бруклин – Индијана 116-125, Чикаго – Филаделфија 109-114, Далас – Оклахома 111-117 (прод.), Милвоки – Атланта 123-115, Јута – Мемфис 124-123.