Лавина денеска усмрти седуммина туристи во индиската хималајска држава Сиким, во близина на планинскиот премин до кинескиот регион Тибет, а спасувачите ја прекинаа потрагата по телата со доаѓањето на ноќта.

Армијата соопшти дека најмалку 20 луѓе биле спасени откако неколку возила кои превезувале туристи до преминот Нату Ла, меѓу Сиким и Тибет, биле погодени од лавина.

На социјалните мрежи се споделуваат снимки од несреќата во кои се гледа како лавината и водопадот во чија близина туристите се фотографирале ги исфрлаат низ долот, а дел од нив за жал завршуваат и под лавината.

Rescue operation underway at 14th mile on Jawaharlal Nehru road connecting Gangtok with Nathula after an #Avalanche strikes the area in #Sikkim.

6 k!lled, 120 still stuck#NathuLaAvalanche pic.twitter.com/w8thjTcokn

— Amitabh Chaudhary (@MithilaWaala) April 4, 2023

Локалната полиција додаде дека осуммина преживеани се во критична состојба.

In a tragic incident, at least 6 tourists died after massive avalanche hit road connecting Sikkim 's capital Gangtok with Nathulapass on China border.

350 stranded tourists & 80 vehicles were rescued after snow clearance from the road. Evacuation ongoingpic.twitter.com/S6HOXUAVkI

— Megh Updates 🚨™ (@MeghUpdates) April 4, 2023

„Правиме уште една проверка пред да ја прекинеме операцијата за спасување бидејќи е темно и повторно врне снег, изјави во телефонско интервју за Ројтерс високиот полициски функционер Тензинг Лоден Лепча“, пренесува Хина.

Во последните две години неколку лавини ги погодија индиските Хималаи, при што загинаа најмалку 120 луѓе.

Спасувачките тимови претходно соопштија дека стравуваат дека најмалку 70 луѓе се затрупани под снег на местото на несреќата, на околу 40 километри од главниот град Гангток.

Фотографиите објавени од индиското Министерство за одбрана покажуваат дека спасувачите копаат со лопати во близина на водопадот.

Со тешка механизација се работи на расчистување на снегот што го остави зад себе лавината, покажуваат фотографиите.

По расчистувањето на снегот од патот, спасени се уште 350 туристи и 80 автомобили, се наведува во армиското соопштение.

Секоја година, илјадници туристи го посетуваат Сиким, наречена „Земја на мистичниот сјај“, која се наоѓа под планината Канченџунга, третата највисока планина во светот.