ВИДЕО | „Сакам да ве забавувам“: Том Круз прими награда додека управуваше со борбен авион
Том Круз достигна нови височини со својот говор за наградите „Ем-ти-ви“. За време на настанот на „Ем-ти-ви Муви енд Ти-ви Авордс“ 2023, кој се одржа во неделата, актерот ја доби наградата за најдобра изведба, за минатогодишното продолжение „Top Gun: Maverick“, пренесува „Пипл“.
Во снимката во која им се заблагодарува на гледачите за честа што ја добива оваа награда, Круз беше снимен како управува со борбен авион, високо на небото додека носи очила за сонце и зборува преку слушалките. Неговиот „златен трофеј“ со пуканки беше со него во авионот.
Things we’ll never forget: @TomCruise‘s performance in #TopGun: Maverick 🎥
Congrats to Tom Cruise on winning Best Performance in a Movie at the 2023 #MTVAwards! pic.twitter.com/dZr3Wglpdq
— Movie & TV Awards (@MTVAwards) May 8, 2023
„Ви благодарам многу за оваа награда. Ги правам овие филмови за вас. Ве сакам. Сакам да ве забавувам. Кога знам колку уживате, колку го цените ова, едноставно нема подобро чувство“.
Тој, потоа додаде дека акциониот филм „Mission: Impossible – Dead Reckoning Part One“, ќе биде премиерно во кината на 12 јули, нарекувајќи го „диво возење“.
„Имајте прекрасно лето. Ви благодарам уште еднаш што ми дозволивте да ве забавувам. Тоа е апсолутна привилегија. Ќе се видиме во кино“, кажа Круз.
Инаку, церемонијата на доделувањето награди на „Ем-ти-ви“, во живо беше откажана, откако годинашната водителка Дру Баримор се повлече во знак на солидарност кон членовите на „Здружението на писателите на Америка“, кои во моментов штрајкуваат. Сите победници ги примија своите награди преку претходно снимени пораки.