Во 15 коло од најсилното хрватско фудбалско првенство во дербито ремизираа екипите на Риека и Динамо Загреб со резултат 2:2.

Водеше Динамо по првиот дел со голот на Шпикиќ со 40 минута, па израмни Риека во 52 минута преку Селахи.

Динамо ја врати позитивата во 81 минута кога стрелаше Периќ, но домаќините обезбедија бод во 89 минута со голот на Митровиќ.

За „модрите“ целиот меч го одиграа Аријан Адеми и Стефан Ристовски. Поранешниот македонски репрезентативец Ристовски непосредно пред првото полувреме после еден прекршок врз негов соиграч бурно реагираше до Ивановиќ кој го фати за врат. За среќа Ристовски помина само со жолт картон.

Dobra večer https://t.co/gzd0Dd7SKD pic.twitter.com/GcEF18SL0i

— Pukštasova igra glavom (@Chelinho1950) November 12, 2023

Воедно нашиот дефанзивец Ристовски на заминувањето кон соблекувалната почнал да плаче и според хрватските медиуми неговите тимски колеги го тешеле.

Одредени информации велат дека домашните навивачи на Риека го навредувале Ристовски. Уште пред почетокот на овој меч навивачите на Риека најавија пекол, лош пречек за Ристовски поради потегот од Риека да се пресели во лутиот ривал Динамо.

На табелата Риека е на второто место со 28 бодови, пет помалку од водечкиот Хајдук Сплит на Александар Трајковски, додека Динамо Загреб е третопласиран со 24.