ВИДЕО: Пукање пред џамија во Филаделфија, неколку лица се повредени
Неколку лица се повредени во пукање во Филаделфија на настан на прослава на крајот на Рамазанските пости, соопшти тамошната полиција.
Некој пукал пред џамијата додека таму се празнувал Бајрам, денот кој го означува крајот на светиот муслимански месец.
Американската WPVI-TV, филијала на ABC, објави дека четири лица се уапсени и дека полицијата пронашла неколку оружја.
BREAKING: Shooting “at Ramadan event with hundreds of people in attendance at 46th and Wyalusing.” Multiple @PhillyPolice sources tell me. pic.twitter.com/uQrY1gbX23
— Steve Keeley (@KeeleyFox29) April 10, 2024
Си Би Ес Њуз, американскиот партнер на Би-Би-Си, јавува дека до пукањето дошло по расправија што избила на настанот. Речиси сите полицајци од Филаделфија биле повикани на интервенција. Наскоро се очекува прес-конференција на полицијата.
Полициски извор за Си-Ен-Ен изјави дека нападот не бил масовно пукање поврзано со муслиманска прослава, туку размена на оган меѓу две групи пред џамија.
Најмалку еден полицаец го застрелал напаѓачот, објави Си-Ен-Ен.
Снимката од хеликоптер од паркот на плоштадот Клара Мухамед покажува големо место на злосторство. Може да се видат камиони со храна и шатори донесени за настанот.
Полицијата ставила жолта лента околу игралиштето во паркот и изгледа дека бара докази.
Тања Литл, портпаролка на полицијата во Филаделфија, изјави за X Network дека во близина е поставена зона за „родители кои сакаат повторно да се обединат со своите деца“.
