Наскоро пристигнува уште еден филм за пејачката и актерка Џенифер Лопез. Документарецот со наслов „Најголемата љубовна приказна не кажана досега“ ќе прикаже важни и многу ранливи моменти од нејзиниот приватен живот. Документарецот започнува со прикажување на 27 февруари на „Прајм видео“.

Во описот на документарецот покрај трејлерот пишува дека овој филм ја следи Џенифер додека работи на нејзиниот најтежок проект. Ѕвездата самостојно ги продуцира новот албум и филм, во кој и пее и свири, а кој го опишува патот на нејзината 20-годишна кариера. Интимен и моќен, документарниот филм обезбедува пристап до најличните моменти на Џенифер додека таа напорно работи за да го врати својот наратив преку снимањето на филмот „Ова сум јас…Сега: Љубовна приказна“.

Од интервјуа со нејзиниот најблизок круг на семејството и пријателите, вклучувајќи ги продукциските партнери и долгогодишните соработници, до искрените моменти во домот, ова е ранлив портрет на ѕвезда која ризикувала сè и открила новопронајдена решителност во самоприфаќањето и љубовта. По објавувањето на трејлерот, многу луѓе кои беа возбудени од објавувањето на документарецот набрзо се огласија со коментари.

Некои од нив истакнаа дека многу им се допаднал нејзиниот најнов филм, кој меѓу другото го посветила и на нејзиниот сопруг Бен Афлек.

„Таа е таква инспирација“; „Неодамна го гледав филмот и едвај чекам да го видам документарецот“; „Гледајќи го филмот и слушајќи го нејзиниот нов албум, сфаќам до каде стигнала и каков уметник е. Таа е убава душа“; „Џеј Ло, таа никогаш не разочарува, нејзината способност да инспирира луѓе како мене е неверојатна“; „Каква силна жена, и симнувам капа“; „Новиот нов албум и филм се одличнi, верувам дека i документарецот ќе биде таков“, беа дел од коментарите.

Џенифер Лопез искрено: Никогаш не планирав повторно да бидам со Бен