ВИДЕО: „Петарда“ на Сити, четири гола на Де Брујне против Вулверхемптон
Фудбалерите на Манчестер сити на гости го совладаа Вулверхемптон во преостанатиот натпревар од 33 коло на Премиер лигата со 1:5.
Најзаслужен за убедливата победа на популарните „граѓани“ беше фантастичниот Белгиец Кевин Де Брујне со дури четири гола.
Белгиецот ја затресе мрежата на „волците“ во седмата минута, а откако Дендонкер израмни во 11. минута, со два гола во 16 и 24 минута, му донесе сигурна предност на својот тим.
Четвртиот гол на Де Брујне беше постигнат во 60 минута, а конечниот резултат го постигна Стерлинг во 85 минута.
На две кола пред крајот Манчестер сити има три бода повеќе од Ливерпул во генералниот пласман.
Во претпоследната лигашка рунда на 15 мај Сити му гостува на Вест Хем, а два дена подоцна составот на Јирген Клоп ќе игра кај Саутемптон.
ВИДЕО: Челси се приближи до ЛШ и го остави Лидс во зоната за испаѓање