Фудбалерите на Челси го совладаа Лидс како гости со конечен резултат 0:3, во натпреварот од 33 коло во Премиер лигата.

Играчите на Томас Тухел стигнаа до 70 бодови и се најдоа чекор поблиску до обезбедување на место во Лигата на шампионите следната сезона.

Од Арсенал имаат четири, а од Тотенхем осум бодови повеќе, со еден натпревар повеќе од градските ривали.

Првиот гол на лондонските „сини“ го постигна Маунт во четвртата минута, а задачата на фаворитите стана уште полесна после црвениот картон на Џејмс кај домаќините.

Вториот погодок беше дело на Пулишиќ во 55, а конечниот епилог го постави Лукаку во 83 минута.

Што се однесува до Лидс, овој тим ја продолжува борбата за опстанок, се наоѓа на 18 место на табелата со 34 бодови, колку што има и Барнли, но составот на Мајк Џексон има меч помалку

Се одиграа уште два меча Лестер – Норич 3:0, Ватфорд – Евертон 0:0.

Табела, Премиер лига:

1. Манчестер сити 86 бодови
2. Ливерпул 86
3. Челси 70
4. Арсенал 66
—
16.Евертон 46
17.Барнли 34
—
18.Лидс 34
19.Ватфорд 23
20.Норич 21