ВИДЕО: Партизан поведе со 2:0 против Црвена звезда во финалната серија од АБА лигата
Партизан славеше и во вториот натпревар од финалната серија во АБА лигата против Црвена звезда со 87:78. На тој начин „црно-белите“ се на чекор од освојување на титулата во регионалното кошаркарско натпреварување.
Најубедливата предност на Партизан во првите 10 минути беше по тројката на Пантер за 20:14. Но, завршницата од првата и почетокот на втората четвртина им припаднаа на „црвено-белите“, кои за првпат поведоа со тројката на Марковиќ во 13 минута – 28:27.
THE END: @PartizanBC defend their home court again to take 2-0 lead against @kkcrvenazvezda in the 2023 AdmiralBet #ABALiga Finals. #ABAPlayoffs pic.twitter.com/sdZ3JYw5Zy
— AdmiralBet ABA League (@ABA_League) June 15, 2023
Во продолжение Партизан имаше предност, но таа никогаш не беше поголема од четири поени разлика. Тогаш Немања Недовиќ се „разбуди“ и повеќето од своите 15 поени ги постигна во првото полувреме во финишот на вториот период од мечот, а на паузата беше 44:44.
.@allornunn21 with yet another HUGE 3-pointer for @PartizanBC in this season. 🔥🔥#ABAPlayoffs pic.twitter.com/A6rxEPchOS
— AdmiralBet ABA League (@ABA_League) June 15, 2023
Следуваше серија на Партизан од 10:1 која ја направија Лесор и Нанели во 26 минута од натпреварот за најголема предност на Партизан од 59:51. Со тројката на ЛиДеј домашните стигнаа до девет поени предност (68:59), но Лазиќ возврати со иста мера во мирната трета четвртина, а „црно-белите“ влегоа во последната четвртина со „плус шест“ (68:62).
.@facucampazzo delivering some amazing assists for Nemanja Nedović. 👀👀#ABAPlayoffs @kkcrvenazvezda pic.twitter.com/qbDHholnNo
— AdmiralBet ABA League (@ABA_League) June 15, 2023
Тројката на Вилдоза на нешто помалку од четири минути до крајот ги донесе гостите на негатива од само четири поени (78:74), а клучен момент беше кошот на Нанели надвор од линијата од 6,75 метри за 82:74. После тоа немаше повеќе надеж за гостинските играчи и Партизан рутински ја одработи задачата.
Во победничките редови доминираа Нaнeли и Смаилагиќ со по 15 поени, следени од Лесор и Пантер кои имаа по 13, а ЛиДеј запиша 12. На спротивната страна најефикасен беше Недовиќ со 21 кош, потоа Добриќ имаше 11, а по девет Кампацо и Митровиќ. Третиот натпревар од оваа серија е закажан за в недела на 18 јуни од 20.30 часот во салата „Александар Николиќ“ кога домаќин ќе биде Црвена звезда.
– РЕКОРД ВО АБА ЛИГАТА –
На вториот натпревар од финалето во АБА лигата помеѓу Партизан и Црвена звезда беше запишана рекордна посетеност од 18,477 гледачи на трибините.
Another game, another RECORD!
With 1⃣8⃣, 4⃣7⃣7⃣ fans in the gym for Game 2 of the 2023 AdmiralBet #ABALiga, @PartizanBC once again set the new league's single-game attendance record!#ABAPlayoffs pic.twitter.com/3cLxRDUHIB
— AdmiralBet ABA League (@ABA_League) June 15, 2023