Кошаркарите на Партизан денеска го совладаа Макаби Тел Авив во Белград со резултат 88:79 во 21 коло од Евролигата.

Макаби пропушти убава шанса да дојде до триумф на ова гостувања, во текот на првото полувреме имаше огромна предност од „плус 24“ (39:15), а на паузата водеше со 52:36.

Ситуацијата целосно се промени во вториот дел. Иако во воведните две минути од третата четвртина се чинеше дека ништо драстично не е сменето и дека Макаби ќе го приведе рутински мечот до крај, „црно-белите“ возвратија, па дури и го свртеа резултатот во еден момент најмногу благодарение на Каболко кој доминираше на двете страни од теренот.

Partizan Belgrade has made its biggest comeback ever in EuroLeague tonight against Maccabi (24 points) pic.twitter.com/eZVxRt4tOt

— Turkish Airlines EuroLeague (@EuroLeague) January 12, 2024

Во тие моменти на крајот од четвртината, Макаби сепак имаше натпреварувачки ритам, а Болдвин со звукот на сирената по 30 минути игра донесе израмнување (67:67).

Последната четвртина не започна најдобро за Партизан, бидејќи Џејмс Нанели рано направи втор неспортски фаул, но како што се испостави тоа не му пречеше на тимот на Жељко Обрадовиќ. Следуваа две поврзани тројки на Партизан, за водство од 75:69 на седум минути и 35 секунди до крајот.

Макаби имаше неколку можности да се врати, откако Партизан имаше пет загубени топки, а израелскиот тим промаши неколку отворени шутеви, па на крајот домаќините успеаја да ја задржат предноста и да забележат важна победа во битката за пласман во Топ 8.

Најефикасен во редовите на српската екипа беше Пи-Џеј Дожер со 23 поени, додека Џејмс Нанели запиша 20 поени и девет асистенции. Кај Израелците се истакна Вејд Болдвин со 19 поени, а Ромас Соркин имаше пет поени помалку. На табелата Партизан е деветтопласиран од 21 меч, додека Макаби на шестата позиција со 12 победи и девет порази.