ВИДЕО | Османи на средба со Кулеба во Киев: Поддршка за интегративниот процес на Македонија и на Украина
НАТО и Европската унија беа главните теми за кои денеска во Киев разговараат македонскиот министер за надворешни работи Бујар Османи и украинскиот колега Дмитро Кулеба.
Министрите изразија взаемна поддршка не само за прекин на војната туку и за интегративниот пат на Македонија и на Украина.
Османи истакна дека ќе ја поддржи кандидатурата на Украина, а потоа и Кулеба изрази поддршка за интеграцијата на Македонија во ЕУ.
Кулеба му се заблагодари на министерот Османи за целата помош, се што побарале добиле од македонската страна и се работи за големо пријателство кое ќе продолжи и понатаму.
На прашањето дали се возможни директни преговори меѓу рускиот претседател Путин и украинскиот Зеленски за прекин на воените дејства во Украина, Кулеба рече:
-Веќе неколку пати се обиделе да стапат во контакт и да ја организираат оваа средба на највисоко ниво, но такви изгледи се уште нема. Нема ниту еден позитивен сигнал од руска страна за да заврши оваа војна, изјави Кулеба на прес конферецијата во Киев.
Состојбата во Украина станува се потензична, посебно во источниот дел на земјата, што е уште еден знак дека руската страна нема намера да седне на преговарачка маса.