На претстојните локални избори ние ќе настапиме во општините, каде ќе се водиме според квалитетот на луѓето. Ќе има јавен повик, секој чесен граѓанин да ни достави свое резиме и ние да го избереме најдобриот кандидат, изјави во Утрински брифинг Јорго Огненовски, претседател на политичката партија Демократи.

-Главната цел е да имаме озбилни кандидати, било тоа за градоначалници или листи. Разговараме со многу граѓани, но се уште немаме одлучено во кои општини ќе одиме. Не ни е целта само да настапиме, целта ни е да понудиме квалитет на овие избори, вели Огненовски.

Говорејќи за можните коалиции, Огненовски вели дека сега настапуваат со Работничката партија.

-Ние се бориме против големите политички партии, кои 30 години ја разнебитуваат и уништуваат Македонија. Мора да го избереме својот пат, коалиција не доаѓа предвид со нив. Подобро огнот да не изгори, отколку да дадеме легитимитет на политичките структури, злосторнички здруженија – СДС, ДПМНЕ, ДУИ и нивните сателити, додава Огненовски.

Интегралното интервју со првиот човек на Демократи погледнете го во видеото: