Бидејќи музичката индустрија е една од најпогодените во светот, па и кај нас, пејачите, музичарите и сите оние кои се директно или индиректно поврзани со оваа професија мора да се снаоѓаат за да можат да преживеат.

Па, така познатиот музичар Панчо од дуото ДНК и неговиот помлад колега Огнен Здравковски веќе си ја променија нивната примарна професија. 

„Друштво, знаеме дека од работа нема срам па затоа сакав да споделам со вас, а воедно и заблагодарам на D’Kitchen и целиот нивен тим што ме вработи и даде можност да го “испечам” занаетот за пица мајстор и додека трае пандемијата да имам некакви приходи . Покрај највкусните гиро пити и пастрмајлии, за кратко време ќе го прошират нивното мени со пица за кои ме обучуваа последните 3 недели. За кратко ќе уживате во вкусовите, а јас со нетрпение чекам да се дружиме, само што овој пат јас ќе ги правам, а вие ќе ги јадете и уживате. Да не заборавам да го пофалам и Oгнен кои исто така одлично се снаоѓа во улогата на продавач.“, напиша Панчо на социјалните мрежи.