ВИДЕО: Никола Јокиќ е најдобриот српски кошаркар по бројот на поени во НБА лигата
Кошаркарите на Денвер во НБА лигата убедливо пред своите гледачи го совладаа тимот на Јута со резултат 142:121, а на теренот повторно блесна најдобриот српски кошаркар Никола Јокиќ.
Центарот на Нагетси постигна 26 поени и забележа осум асистенции и шест скока за 32 минути на теренот. На овој меч одлично шутираше од поле – 12/14, а неговите атрактивни асистенции ги внесоа во транс навивачите во славната „Бол Арена“.
Joker tosses BACK-TO-BACK fullcourt assists off inbound passes 🤯
Jazz-Nuggets | Live on the NBA App
📲 https://t.co/3ApAE0PJSA pic.twitter.com/eHnqxoWQ5u— NBA (@NBA) March 10, 2024
Двоцифрен учинок на овој натпревари имаа четворица соиграчи на Јокиќ, а најефикасен беше Џамал Мареј, кој мечот го заврши со 37 постигнати поени (6/9 за три).
Мајкл Портер Џуниор даде 19 поени, Кентавиус Колдвел Поуп и Кристијан Браун по 13, а Пејтон Вотсон 12. Во поразениот тим кај „џезерите“ се истакна Кејонте Џорџ со 31 постигнат поен, додека Џордан Кларксон постигна 22. Денвер моментално има скор 44-20 и е израмнет на второто место во Западната конференција. Оклахома моментално е прва со 44-19.
Nikola Jokic has become the Serbian player with the most points in the history of the NBA league. 👏🇷🇸
Nikola Jokic 13.668 🏆
Peja Stojakovic 13.647
Vlade Divac 13.398
Bogdan Bogdanovic 6227 pic.twitter.com/E0I3dwqw0m— Basketball Sphere (@BSphere_) March 10, 2024
Воедно Јокиќ го престигна Пеѓа Стојаковиќ на вечната листа најдобри стрелци во НБА и така стана најдобриот српски кошаркар со најголем број на поени во најсилното кошаркарско натпреварување.
Недостасуваше новиот „трипл-дабл“, но со поентерскиот учинок успеа уште еднаш да ги помести границите и да го постави своето име на врвот на некоја листа. Јокиќ тоа го направи во конкуренција на НБА играчи кои се од Србија. Успеа да дојде до бројката од 13,668 поени и со тоа да го престигне Пеѓа Стојаковиќ, кој кариерата ја заврши со 13,647.
На третото место е Владе Дивац – 13,398 поени, Богдан Богдановиќ ја зазема четвртата позиција со 6,271, додека Владимир Радмановиќ е на петтото место со 5,879 поени во кариерата.
