ВИДЕО: Нејмар го надмина Пеле во „петардата“ на Бразил
Фудбалската репрезентација на Бразил ја совлада селекцијата на Боливија со 5:1 во првото коло од јужноамериканските квалификации за пласман на Светското првенство 2026.
Во триумфот на „кариоките“ блескаше Нејмар кој двапати се запиша во листата на стрелците, два погодоци имаше и Рафиња, а еден Родриго.
Воедно играчот на Ал Хилал Нејмар испиша историја стигнувајќи до бројката од 79 голови за националниот тим и надминувајќи на „вечната“ листа легендарниот Пеле, според статистиката на ФИФА.
Нејмар стигна до рекордот во 125 натпревари за репрезентацијата, а на Пеле му требаа 91 меч за да постигне 77 голови.
Се одигра уште еден меч во јужноамериканските квалификации, Уругвај на домашен терен со 3:1 триумфираше над Чиле. За Уругвајците два голови запиша де ла Круз, еден беше дело на Валверде, додека кај Чилеанците единствениот погодок го имаше Видал.