ВИДЕО | Мелинда се отвори за разводот од Бил Гејтс: Пријателството со Епштајн, бројните неверства…
Милијардерката Мелинда Френч Гејтс гостуваше во емисијата „Mornings“ на „CBS“, каде искрено зборуваше за болниот развод од Бил Гејтс, за Џефри Епштајн, милијардерот кој светот ќе го памети по неговото грозоморно злосторство.
Епштајн почина во затвор во 2019 година, чекајќи ја судската пресуда за трговија со луѓе. Истрагата на крај откри
дека тој си пресудил во затвор, неколку дена откако престанал да биде под строг надзор.
57-годишната Мелинда, за првпат отворено проговори за него и за неговиот однос со Бил Гејтс. Како што откри, таа била ужасната што нејзиниот тогашен сопруг продолжил да се дружи со Епштајн, иако поради него имала кошмари.
View this post on Instagram
Нивниот однос не ѝ бил сосема јасен, па во 2011 година побарала средба со озлогласениот милијардер бидејќи сакала
да види „кој е тој човек“, и како што вели, зажалила.
„Не ми се допаѓаше Бил да се состанува со Џефри Епштајн. Тоа му го кажав. Потоа го запознав Џефри. Сакав да видам кој е тој човек и се покајав уште во моментот кога влезе низ вратата. Тој беше одвратен, персонифицирано зло. Имав кошмари за него. Срцето ми се кине поради тие млади жени. Така се чувствував, а јас сум постара од нив. Беше ужасен“, изјави таа во разговорот со водителката Гејл Кинг.
View this post on Instagram
Мелинда и Бил беа во брак 27 години пред да ја објават веста за разделбата минатиот мај. Мелинда откри дека пролеала „многу солзи“, велејќи дека имало денови кога лежела на подот мислејќи: „Како можеше да дојде до ова? Како да станам? Како ќе продолжам напред?“.
„Тоа не се случи во еден момент, не пресуди некоја специфична работа. Само дојде момент кога се случија доволно работи и сфатив дека едноставно не е здраво и веќе не верував во она што го имаме“, додаде таа.
View this post on Instagram
Мелинда откри и дека и покрај сѐ, одржува фер однос со поранешниот сопруг, но дека тие двајца повеќе не се пријатели. Додаде уште една причина за нивниот развод – неговата афера во 2000 година.
„Во овој брак го дадов секое парче од себе. Бев посветена од денот кога се веривме до денот кога излегов од таа приказна“, емотивна беше Мелинда, сугерирајќи дека Бил многу пати бил неверен.
Ја заинтригира водителката со оваа изјава, па таа ја праша дали Гејтс неколку пати бил неверен.
„Тоа се прашањата на кои Бил треба да одговори“, одговори Мелинда.
Повеќе вести на темата:
Нов пресврт: Бракот на Бил и Мелинда Гејтс се распаднал поради милијардерот педофил?