Помалку од 24 часа откако беа фотографирани на забавата на Коачела, актерот Леонардо Дикаприо и манекенката Ирина Шајк беа заедно за да го гледаат настапот на Френк Оушн во неделата навечер.

Дуото очигледно дошло заедно на концертот, пишува „Пејџ сикс“ каде се дружеле со поголема група луѓе, меѓу кои и манекенката Стела Максвел. Ирина и Леонардо неколкупати беа фатени во интимен разговор, што беше доволно за многумина да се запрашаат дали се работи за нова љубов.

 

View this post on Instagram

 

A post shared by #BeritaHollywood & Pop Culture (@arena.showbiz)

Претставниците на Шајк и Дикаприо не одговорија на прашањата на „Пејџ сикс“ за нивната релација.

Познатата манекенка беше во врска со актерот Бредли Купер, со кого ја има шестгодишната ќерка Леа Де Сејн Шајк Купер, но се разделија во 2019 година.

Кон крајот на годината се шпекулираше дека Бредли и Ирина се обидувале да ја обноват емотивната врска и да зачнат второ дете на семејно патување, бидејќи би сакале малата Леа да има брат или сестра. Покрај шпекулациите, се чини дека второто бебе не е на пат, иако и двајцата остануваат во пријателски односни поради нивната ќерка.

Што се однесува до Дикаприо, тој се раздели од својата долгогодишна девојка Камила Мороне минатото лето по четири години врска, откако таа наполни 25 години.

Оскаровецот оттогаш го поврзуваа со 27-годишната манекенка Џиџи Хадид.