ВИДЕО | Кејн херој за Баерн во победата над Лајпциг, мала минутажа за Елмас
Баерн Минхен конечно малку ги израдува своите навивачи откако денес на свој терен славеше победа од 2:1 против Лајпциг.
Натпреварот донесе многу прилики за гол, меѓутоа домаќините дури во самата завршница дојдоа до победата, а херој беше Хари Кејн.
Во првите 45 минути не видовме погодоци. Се играше 56. минута кога Кејн го отвори резултатот по асистенцијата на Мусиала. Одличниот напаѓач Шешко ги врати работите како на почетокот на 20-тина минути до крајот. Имаше напаѓачот од Словенија и уште една одлична прилика, но во таа ситуација Ноер одлично интервенираше.
Кога изгледаше дека нема да има победник и бодовитеќ е се поделат, Хари Кејн во 91. минута постигна гол и донесе победа.
Македонскиот репрезентативец, Елиф Елмас одново доби мала минутажа и на теренот влезе во 87. минута на местото на Чави Симонс.