ВИДЕО | Камила не можеше да ги запре солзите пред украинската заедница во Лондон: Се молиме за вас
Принцот од Велс и војвотката од Корнвол вчера покажаа солидарност кон Украина и ја посетија украинската заедница во Велика Британија.
Камила плачеше и ја тешеше сопругата на британскиот амбасадор во Украина, која исто така плачеше.
„Се молиме за вас“, ѝ рекла таа.
Чарлс и Камила запалија свеќа и положија цвеќе во украинската катедрала во Лондон како поддршка на угнетуваната земја.
Во краткиот говор Чарлс ја пофали храброста на Украинците во врска со нападот на рускиот претседател Владимир Путин.
„Морам да кажам дека мојата сопруга и јас сме длабоко трогнати од сето она што го слушнавме денес за време на нашата посета и пред се од извонредната храброст на украинската заедница која се соочува со толку страшна агресија. Нашите мисли и молитви, колку и да се недоволни, се со сите вас во овој најкритичен момент“, рече Чарлс.