Кошаркарите на Голден Стејт поведоа со 1:0 во победи во серијата со Денвер нагетс во плеј-офот во Западната конференција откако славеа со 123:107.

Денвен подобро го започна натпреварот и успеа да дојде до предност до шест поени. Сепак, „воините“ играа се подобро и во финишот од првото полувреме со серијата 10:2 дојдоа до двоцифрена предност (58:47). Во третата четвртина се разиграа бековите на Голден Стејт и предноста се зголеми на 22 поени (90:68) со што беше јасно кој ќе слави на првиот натпревар во плеј-оф серијата.

Џордан Пул с 30 постигнати поени беше најпрецизен во редовите на Голден Стејт каде се истакнаа уште и Клеј Томпсон со 19, Ендрју Вигинс и Стеф Кари со 16 поени. Кај Денвер прво име беше Никола Јокиќ со 25 поени и 10 скокови, а Вил Бартон даде 24 поени.

Филаделфија сиксерс пред своите гледачи без поголеми проблеми со 131:111 го совлада Торонто репторс и поведе со 1:0 во серијата во Источната конференција. Филаделфија дилемите околу победникот ги реши во првото полувреме кое го доби со 18 поени разлика (69:61) и до крајот на натпреварот не ја испуштија двоцифрената предност.

Најдобар во редовите на Филаделфија беше Тајрис Макси со 38 поени, Тобајас Херис даде 26, Џејмс Харден имаше 22 поени и 15 асистенции, додека Џоел Ембид постигна 19 поени и 15 скокови. Кај Торонто најрасположени за игра беа Паскал Сиакам со 24 поени, О Џи Ануноби со 20 и Дред Ванвлит со 18 поени.