ВИДЕО: Јокиќ доминира во НБА, а Дончиќ блескаше против најдобрите на Истокот
Денвер запиша уште една победа во НБА лигата, изминатата ноќ славеше против Оклахома со 95:99, и повторно одлична партија имаше Никола Јокиќ.
Српскиот центар на Нагетси беше прв стрелец со 22 поени (18 скокови), а истиот учинок на поени го имаше и неговиот соиграч Остин Риверс.
На спротивната страна за Сити Тандер доминираше канадскиот интернационалец Лугенц Дорт со 14 поени. Денвер е на шестата позиција во Западната конференција, додека Оклахома е претпоследна.
Лука Дончиќ блескаше во триумфот (113:99) на Далас против моментно водечките на Истокот, Чикаго. Словенецот беше најефикасен со 22 поени, по 14 скокови и асистенции.
Кај популарните „бикови“ најдобри беа Демар Дерозан и Зек Левин со по 20 реализирани коша. Маверикси се петтопласирани на Западот, додека први на Истокот остануваат Булси со учинок 26-11.
НБА лига, резултати –
ЛА Лејкерс – Мемфис 119:127
Портланд – Сакраменто 103:88
Голден Стејт – Кливленд 96:82
Далас – Чикаго 113:99
Оклахома – Денвер 95:99
Хјустон – Минесота 123:141
Торонто – Њу Орлеанс 105:101
Орландо – Вашингтон 100:102
ЛА Клиперс – Атланта 106:93
Бруклин – Сан Антони0 121:119