ВИДЕО | Јелена Томашевиќ: По тој голем скандал, сакав да се откажам од оваа работа
Јелена Томашевиќ се присети на нејзиното учество на српско-црногорскиот избор за Песна на Евровизија со песната „Јутро“ во 2005 година, која е нејзин голем хит. Тогаш, Србија и Црна Гора бираа заедничка песна како заедничка држава. На „Евровизија“ не отиде Јелена, туку црногорската група „Ноу нејм“, а Томашевиќ со песната „Оро“ беше српски претставник за 2008 година.
„Јас победив на „Беовизија“, и таа година добив нула поени од црногорското жири, и тоа беше голем скандал. Тоа беше голем удар, и јас за првпат се најдов очи в очи со тоа што значи музика, уметност и што значи тој шоу бизнис. Па си помислив: „Ако вака биде, ако вака луѓето прават, па не треба воопшто со ова да се занимавам. Но, победи љубовта кон музиката, и тоа дека сакам да работам, сакам да творам и да оставам нешто зад мене и кога ќе си заминам од тука“.
Српската пејачка ова го раскажа во емисијата „Еден на Еден“, а вториот дел од разговорот со Јелена во кој раскажува доста приватни и професионални приказни ќе се емитува в недела, од 18.30 на Канал 5. Во продолжение погледнете видео кое најавува дел од приказните на српската пејачка, сопругата на актерот Иван Босиљчиќ.
(Комерцијален текст)