ВИДЕО: Историски говор на Крсте Црвенковски од 1968 година за македонско-бугарските односи
Говорот на Крсте Црвенковски, народен херој од НОБ и, меѓу другото, секретар на Сојузот на комунистите на Македонија во периодот 1963-1969, е од неговото излагање во Собранието на Република Македонија во февруари 1968 година, по повод тогашните југословенско-бугарски односи и нивната динамика погледната од македонски контекст.
Во својот говор Црвенковски детално ги опишува активностите, но и проблемите меѓу југословенската и бугарската страна, вклучувајќи ги и средбите на Тито и Живков и контактите меѓу македонските и бугарските политичари и други општествени структури за унапредување на меѓусебните односи.
Во настапот на Црвенковски можат да се извлечат повеќе паралели, од тогашниот историски и политички контекст, за континуитетот на прашањата што ги оптоваруваат и денешните односи меѓу Република Бугарија и Република Северна Македонија, како и неговата јасна заложба за понатамошна соработка и развивање на пријателството меѓу двете страни со почитување на основните идентитетски и суверени права на двата народи.