Група ирачки новинари се обидоа да го нападнат селекторот на Ирак, Шпанецот Хесус Касас, на прес-конференцијата по осминафиналето на Азискиот куп против Јордан (2:3), каде фудбалерите на Ирак беа елиминирани од натпреварувањето.

Поразот на ирачкиот тим го навлече гневот на медиумите во земјата, бидејќи Ирак се сметаше за еден од фаворитите за освојување на титулата по беспрекорната серија на натпревари во групната фаза.

На конференцијата по натпреварот, неколкумина присутни новинари во салата станаа и гневно му упатија на Касас, кого го обвинија дека дава премногу интервјуа за шпанските медиуми за време на турнирот и дека не се фокусирал на турнирот.

💥 El 𝐭𝐞𝐧𝐬𝐨 momento de Jesús Casas en rueda de prensa

🤬 Un grupo de periodistas iraquíes intentaron agredir al seleccionador tras la eliminación de Irak ante Jornadia.#AsianCup2023 | #IRQvJOR pic.twitter.com/qpTqXOWskH

— Eurosport.es (@Eurosport_ES) January 29, 2024

– Ниту еден од селекторите на репрезентациите кои се пласираа во осминафиналето не дадоа интервју пред своите натпревари, како воопшто можеше да помислиш на тоа – прашаа тие, додека обезбедувањето мораше да интервенира за да ги спречи новинарите да му се приближат на шпанскиот стратег.

Претставниците на ирачките медиуми на крајот беа исфрлени од просторијата и остана само мала група странски новинари, пред кои Касас изрази жалење за тоа што се случи и се оправда дека интервјуата што ги дал не влијаеле на перформансите на неговите фудбалери.