ВИДЕО: Ѓоковиќ и Алкараз во финалето на турнирот во Синсинати
Новак Ѓоковиќ (36) се пласираше во финалето на Мастерс турнирот во Синсинати, САД, откако со 7:6 (5) и 7:5 го совлада Александар Зверев од Германија.
Тоа ќе биде 57 мастерс финале за Ѓоковиќ, а за титулата денеска од 22.30 часот по македонско време ќе игра против Карлос Алкараз (20) од Шпанија.
Ѓоковиќ го обезбеди осмото финале во Синсинати, само во Рим и Париз одигра повеќе финални мечеви на мастерс турнирите.
NUMBER ONE VS NUMBER TWO!
REMATCH OF #WIMBLEDON FINAL!
ALCARAZ VS DJOKOVIC 🔥Live exclusively on Tennis Channel Sunday! #CincyTennis pic.twitter.com/Q5vXq9AM4l
— Tennis Channel (@TennisChannel) August 20, 2023
Првиот светски рекет Алкараз со пресврт успеа да го елиминира Полјакот Хуберт Хуркач. Хуркач го освои убедливо првиот сет со 6:2, израмни Алкараз во вториот кој беше најнеизвесен и беше решен во тај-брејк 7:6, (4). А третиот Шпанецот го доби рутински со 6:3 и дојде до победата по два часа и 19 минути игра.
Српскиот играч Ѓоковиќ ќе атакува на 38 пехар од турнирите од серијата 1000 и сака да му се реваншира на Алкараз за поразот во финалето на грен слем турнирот „Вимблдон“.
По четвртипат ќе се сретнат Ѓоковиќ и Алкараз, во досегашните три мечеви двапати славеше шпанскиот тенисер. Ова е уште еден додатен мотив за српскиот ас како најдобра можна увертира за претстојниот „УС Опен“.