ВИДЕО: Француски репрезентативец се смееше за време на минута молчење на мечот против Холандија
Во петокот наутро имаше напад во Арас во кој загина еден наставник, а две лица беа тешко повредени. Инцидентот се случил во средно училиште во североисточниот дел на Франција.
Истата вечер француската фудбалска репрезентација одигра квалификациски натпревар за ЕП против Холандија во Амстердам и победи со 2:1 благодарение на двата гола на Килијан Мбапе, а пред мечот имаше минута молчење за убиството во Арас.
Сепак, не гледаа сите така, а резервниот играч на Франција Жан Клер Тодибо беше фатен во смеа, што секако наиде на жестока осуда кај француската јавност.
Францускиот дефанзивец игра во Ница во која дојде од Барселона, а во Франција е главно резерва и досега нема запишано ниту една минута во квалификациите, но одигра 90 минути во поразот од Германија во пријателски натпревар во септември.
Останува да се види дали Француската фудбалска федерација (ФФФ) ќе се одлучи да го казни за она што го направи во Амстердам, а се очекува и самиот играч да се огласи на социјалните мрежи и да ја објасни својата срамна постапка.
French football player Jean-Clair Todibo laughs during the minute of silence for the teacher whose throat was slit in Arras.pic.twitter.com/ZvOnhJIst7
— Visegrád 24 (@visegrad24) October 14, 2023