ВИДЕО: „Фармацевтите“ и натаму се без пораз, Штутгарт и Баер Леверкузен ги поделија бодовите
Фудбалерите на Штутгарт денеска на домашен терен одиграа нерешено 1:1 против Баер Леверкузен во натпреварот од 14 коло во Бундес лигата.
Штутгарт поведе во 40 минута со голот на Крис Фурих, а бод на гостинскиот тим му донесе Флоријан Вирц со погодокот во 47 минута.
Леверкузен е единствената екипа сезонава без пораз во најсилното германско првенство, и моментно е на првото место со 36 бодови.
Актуелниот шампион Баерн од Минхен е второпласиран со 32 бодови, но баварскиот гигант има и меч помалку.
На третото место се играчите на Штутгарт и по првото реми во шампионатот се третопласирани со 31 бод.
В недела се одигра уште еден натпревар, мируваа мрежите на екипите на Келн и Мајнц (0:0).