Американската јавност денеска повторно беше вознемирена откако се појавија снимки од аеродромот Далас Лав Филд во Тексас, каде полицијата застрела жена која претходно со пиштол во воздух испукала неколку истрели, јавува „Си-ен-ен“.

37-годишната жена во 11 часот по локално време пристигнала на аеродромот и влегла во близина на шалтерите за билети. Камерите на аеродромот ја снимиле како влегла во тоалетот каде облекла друга облека, а потоа извадила пиштол и почнала да пука во таванот, велат од полицијата.

Dallas Love Field – Female shooter was yelling as we walked into the baggage check in area. Shots were fired in the air. People began to take cover and run. Within minutes Dallas PD handled the situation. I don’t believe anyone, but the shooter was injured. pic.twitter.com/2gMd7vDyPs

— Jonathan Adams (@JZiLLA214) July 25, 2022

Од полицајците кои биле на местото на настанот веднаш ја застрелале жената во нозете, по што ја привеле. Таа е пренесена во болница.

Во инцидентот нема други повредени.

„Видов огромен број луѓе како трчаат од правец на безбедносниот контролен пункт и луѓе кои викаа „пукаат““, изјави очевидец.