ВИДЕО: Дортмунд го презеде врвот во Бундес лигата, го совлада Хофенхајм со играч помалку
Фудбалерите на Борусија Дортмунд со 3:1 вечерва го совладаа тимот на Хофенхајм во шестото коло од Бундес лигата.
„Милионерите“ поведоа во 18 минута преку Никлас Фулкруг, кој на асистенција на Брант шутираше прецизно во долниот десен агол. Израмнувањето дојде седум минути подоцна когa Андреј Крамариќ беше прецизен од белата точка.
Сепак, до крајот на полувремето „милионерите“ дојдоа до ново водство, кога Марко Ројс ја испрати одбиената топка во мрежата на Оливер Бауман.
Во 71 минута гостите останаа со играч помалку, по исклучувањето на Бенсебаини кој доби втор жолт картон, но тоа не ги спречи да го заокружат триумфот со голот на Јулијан Рајерсон.
Дортмунд со оваа победа барем за кратко се најде на врвот на табелата со 14 бодови, додека Хофенхајм собра 12 и моментално е на шестата позиција.