Книгата „Културен печат“, од додатокот за култура на весникот Слободен печат е пред 7-8 дена излезена од печат. Се обидовме да ги фатиме сите тие рокови што се околу последните денови во годината и нормално годината да биде заокружена и сите работи кои што се поврзани со оваа година да бидат завршени во рамките на оваа година, изјави во Утрински брифинг новинарот Тони Димков.

-Книгата се работеше цела година, но сепак печатењето излезе да биде сега, пред неколку дена. Книгата е една логична последица на тоа што го правам во „Културен печат“ кој што е од 19 октомври 2019 година, на идеја на Злате Лозановски од Слободен печат, со кого заедно работевме во неделникот „Граѓански“, вели Димков.

-Миле Јовановски направи специфичен концепт во кој што одлучи културата да биде во првите 30 страници од магазинот и тие 30 страници ги правевме заедно со Злате Лозановски, а потоа одеше политика, економија, свет. Таа идеја на Злате се реализира од октомври 2019 како неделен прилог за култура во Слободен печат и беше логично навестување на ова што сакав јас да го ставам во книга.

-Книгата е уметнички артефакт кој што излегува надвор од рамките на времето, вели Димков за Утрински брифинг.

Димков, како добар познавач на приликите во културата во Македонија, се осврна на овие состојби – како и каде се движи културата во нашата земја, како стојат работите со независната културна сцена?

Проследете го целиот разговор во видеото