Tренерот на кошаркарскиот тим на Галатасарај, Црногорецот Ѕвездан Митровиќ доби отказ од турскиот гигант еден ден по поразот од Дижон (93:96).

Причина за отказот е незадоволството на управата. Турскиот тим имаше огромни 25 поени предност 80:55 против Французите, но на крајот претрпеа пораз. На сето тоа Црногорецот влегол во жестока расправија со навивачите на кои сакал да им возврати.

Во хаосот се вклучиле и членови на неговиот стручен штаб кои успеале да го оттргнат подалеку од фановите и да го испратат во соблекувалната.

На прес-конференцијата по натпреварот зборуваше дека не треба да поднесе оставка.

„Не знам зошто би поднел оставка. Не ми е јасно зошто ме прашувате такво нешто. Првпат слушам вакво прашање на прес-конференција“, одговорил Митровиќ на новинарите.

Очигледно раководството размислувало поинаку, па набрзо по натпреварот стигна потврдата за отказот.