Откако Илон Маск го презеде Твитер, луѓето го напуштаат Твитер, а меѓу нив е и холивудскиот актер Џим Кери кој од обожавателите на платформата се прости на бизарен начин.

Актерот во својата последна објава на Твитер, сподели бизарна анимација со опис: „Заминувам од Твитер, но еве една анимација што ја направив со мојот пријател Џими Хејворд. Се заснова на моја слика на луд, стар Чувар на светилник, кој стои гол во бура, ги повикува своите ангели и свети со својата ламба да нè води низ подмолната ноќ. Многу ве сакам сите“.

Видеото покажува светилник во бура, а во позадина се слуша ирска музика. Одеднаш се појавува црвенокоси човек, сосема гол и почнува да пее за ангелите кои „го исполнуваат местото со светлина“ и „ги водат низ бурата“ во темната ноќ, цврсто „држејќи ги шевовите на нивните едра“.

I’m leaving Twitter, but 1st here’s a cartoon I made with my friend Jimmy Hayward. It’s based on my painting of a crazy old Lighthouse Keeper, standing naked in a storm, summoning the angels and shining his lamp to guide us through a treacherous night. I love you all so much! ;^j pic.twitter.com/Cqmp74A87r

— Jim Carrey (@JimCarrey) November 29, 2022

„Ќе ја запалам мојата светилка. До зори. Слатките ангели ме слушаат како се молам“, пее црвенокосиот човек, пред молња да го погоди светилникот, а тој почнува да се смее, оставајќи ги шокираните гледачи во тишина.

Твитерашите имаат поделено мислење за бизарното „простување“ на актерот. Некои тврдат дека станува збор за ремек-дело, додека други го нарекуваат лудо.

„Ќе ми недостигаш ти и твоите неверојатни уметнички дела што ме насмејуваа и ми го сочуваа здравиот разум недопрен! Благодарам“, напиша еден твитерџија, додека друг додаде: „Не заминувај Џими! Сè уште можеме да се забавуваме“.

Џим Кери се подготвува за пензија: Направив доволно…

ФОТО | Џим Кери си го честиташе роденденот: Стар сум, ама уште сум секси!

ФОТО | Се огласи и Џејда: Сопругата на Вил Смит ги збуни сите со објавата