ВИДЕО: Алиоски и Лидс играат „топло-ладно“ во Премиер лигата!
Можеби и се очекуваше ваков Лидс кој после 16 години повторно е во елитата, со добри и лоши моменти, а тоа и се потврдува.
Составот на Марсело Биелса сезонава игра „топло-ладно“ на натпреварите, ја завршија ланската година со две победи над Вест Бромвич и Барнли, па ја стартуваа новата со порази од Тотенхем и Брајтон, следуваа две нови победи по ред и на тоа на гости кај Лестер и Њукасл, а сега поразен е дома од Евертон (1:2).
Македонскиот репрезентативец Езџан Алиоски и на вечерашниот дуел на „Иланд роуд“ беше стартер и настапи до 78 минута кога беше заменет од Хернандез.
Во првото полувреме тимот на Анчелоти водеше со головите на Сигурдсон и Калверт-Левин, додека на стартот од вториот дел домаќинот само успеа да го ублажи поразот преку Рафиња.
На табелата Лидс е на 11 место со 29 бодови и во наредното коло ќе игра против Кристал Палас на 8 февруари дома. Евертон после 11 триумф е шестопласиран со 36 бодови. Се одиграа уште два меча од 22 коло, Манчестер сити беше подобар од Барнли (0:2), а со истиот резултат Лестер славеше кај Фулам.