Ветеран пронајден мртов во замрзнувач со заверена изјава од нотар: СОПРУГАТА НЕ Е ВИНОВНА
Кога починала Џејн Сурон-Матерс во ноември годинава, полицијата од градот Тоела во државата Ута го пронашла телото на нејзиниот сопруг Пол во замрзнувачот во нивниот дом.
Но, тоа не е сè. Полицијата пронашла заверена изјава, или документ во кој се вели дека сопругата не е одговорна за неговата смрт, пренесува Си-Ен-Ен.
Ја примала неговата пензија?
Инспекторите овие денови објавија дека Пол Матерс починал уште пред десетина години и испитуваат дали неговата сопруга ја добивала пензијата од ветеранот по неговата смрт.
Наредникот Џереми Хансен од полицискиот оддел Тоел, вели дека истражителите покренале судска истрага и сега го чекаат финансискиот записник.
Изјава заверена од нотар
Полицијата верува дека Пол Матерс починал помеѓу 4 февруари 2009 година и 8 март 2009 година, а страдал од терминална болест. Пред да умре, Матерс напишал своерачна изјава дека неговата сопруга не е одговорна за неговата смрт и ја заверил кај нотар во декември 2008 година.
-Истражителите пронајдоа белешка што ја заверил лично Матерс, но нотарот ја заверил без притоа да ја прочита внимателно- изјавил Хансен.
Џејн Сурон-Матерс (75) починала во ноември, од навидум природна смрт.