33.8 C
Скопје

Васил Гарванлиев се најде на страниците на „New York Times“, а за Евровизија вели: Тоа е Олимпијада за пеење

Нашиот претставник на овогодинешната Евровизија, Васил Гарванлиев се најде на страниците на реномираниот „New York Times“. 

Имено, Гарванлиев имал телефонско интервју со новинарот на „New York Times“ Алекс Маршал, со кого разговарале за големото разочарување на Гарванлиев откако минатата година поради пандемијата на коронавирусот беше откажан изборот за песна на Евровизија – но и за процесот на создавање на песната со која ќе ја претставува нашата земја оваа година во Ротердам.

Целиот живот, работев напорно за да стигнам таму, а моето патување дури и не започна… Бев уништен“, изјавил 36-годишниот Гарванлиев во интервјуто за „New York Times“.

 

 

View this post on Instagram

 

A post shared by V Λ S I L (@vasilg)

За Гарванлиев – и стотиците милиони обожаватели на настанот – Евровизија е далеку повеќе од обичен натпревар за песни. „Тоа е Олимпијада за пеење“, вели Гарванлиев.

Во разговорот, Васил раскажал како минатиот март седел на својот кревет чувствувајќи големо разочарување од што всушност произлегла една нежна мелодија,  а потоа и му се појавиле стихови во главата.

Оваа песна излезе од мене… И си помислив „овде имам нешто убаво“. Секако, не знаев дека ова ќе заврши оваа година на Евровизија… Јас дури и не знаев дека ќе ме одберат повторно“, вели Гарванлиев раскажувајќи дека во јануари, по осуммесечно чекање,  бил поканет да настапи на овогодинешната Евровизија.

 

View this post on Instagram

 

A post shared by V Λ S I L (@vasilg)

Евросонгот ќе се одржи од 18 до 22 мај, во две полуфинални вечери и големото финале, а Гарванлиев ќе настапува во првото полуфинале, 6-ти по ред.

Арената ќе има капацитет од 20 проценти, со само 3.500 луѓе во публика кои ги бодрат натпреварувачите. Настанот е официјално дел од серијата експерименти на холандската влада за да се види како да се водат големи настани на безбеден начин. Сите натпреварувачи ќе мораат претходно да снимат верзија од нивните песни во случај да се заразат со ковид-19 и да не можат да настапат.

Поврзани вести

Апликацијата „Тиндер“ со нови можности за запознавање на потенцијални партнери

Слободен Печат

Емилијан Салиевски: Сакам преку песните да пренесам позитивна порака за различни теми

Анита Златкова

Бугарија братски ја подржува Албанија, но не и Македонија

Љубиша Николовски

Стивен Спилберг почнува соработка со „Нетфликс“: Ново поглавје на кинематографската историја

Слободен Печат

Андов за Слободен печат: Промена на химната е предизборен маркетинг, и тоа не е приоритет

Дестан Јонузи

Новиот сој ламбда станува доминантен во Јужна Америка, експертите се загрижени

Слободен Печат

Остави Коментар