Уште еден земјотрес во Србија: Регистриран во Бор!
Републичкиот сеизмолошки завод соопшти дека денеска е регистриран уште еден земјотрес во Србија.
Станува збор за послаб земјотрес што се случи во околината на Бор, со јачина од 1,7 степени според Рихтеровата скала.
Ова е деветти земјотрес на територијата на Србија во последните осум дена.
За потсетување, во четвртокот беа регистрирани два земјотреси. Претходно во четвртокот беше забележан земјотрес во околината на Крагуевац, што беше трет земјотрес во последните три дена. Неколку часа подоцна, сеизмолозите забележаа земјотрес со јачина од 2,3 степени според Рихтеровата скала во областа Блажево.
Исто така, во саботата беше регистриран земјотрес во Младеновац, а потоа во вторникот вечерта потрес беше почуствуван во околината на Крагуевац.
Само неколку часа подоцна, во средата наутро, е регистриран уште еден земјотрес, исто така во реонот на овој град.
Но, земјата не мируваше па во средата околу девет часот наутро е регистриран земјотрес во Топола.
Во серијата земјотреси за среќа нема повредени,ниту пак е пријавена материјална штета.