Според „Њујорк Тајмс“, финансискиот фер-плеј наскоро ќе замине во историјата. Имено, овој многу важен дел од правилникот на УЕФА сака да го укине нејзиниот претседател Александар Чеферин.

Словенецот сака финансискиот фер-плеј да биде заменет со ограничување на платата, но наиде и на некои проблеми при спроведувањето на својата идеја.

Проблемот е европскиот закон за работни односи, кој не му дозволува на Чеферин да ја спроведе својата идеја. Сепак, УЕФА ќе донесе нова Регулатива за финансиска одржливост, според која на клубовите ќе им биде дозволено да трошат до 70 отсто од приходите за трансфери.

Клубовите ќе имаат тригодишен период да се прилагодат на новите правила, а веќе во првата сезона ќе можат да трошат и до 90 отсто од приходите.

Оние клубови кои ќе го прекршат новиот Правилник ќе бидат исклучени од европските натпреварувања.