УЕФА ги објави номинациите за најдобри играчи во Лигата на шампионите
Европската фудбалска куќа ги објави номинациите за најдобри играчи по позиции во минатата сезона на Лигата на шампионите, а помеѓу кои најмногу фудбалери има од Челси и Манчестер сити.
Меѓу номинираните има пет играчи од редовите на европскиот шампион Челси, тројца се од Сити, додека останатите доаѓаат од Реал Мадрид, Борусија Дортмунд, Баерн Минхен и ПСЖ.
Тибо Куртоа (Реал Мадрид), Едерсон (Манчестер сити) и Едуард Менди (Челзи) се номинирани за најдобар голман, додека кандидати за најдобар дефанзивец се Цезар Аспиликуета (Челси), Рубен Дијаз (Манчестер сити) и Антонио Ридигер (Челзи).
Во конкуренција за најдобар играч од средниот ред се двајца членови од Челси, Жоржињо и Н’Голо Канте, како и играчот на Сити, Кевин де Брујн.
🔝 The nominees are in for the 2020/21 #UCL positional awards…
🥇 Goalkeeper
🥇 Defender
🥇 Midfielder
🥇 ForwardCheck them out 👇#UEFAawards 🏆
— UEFA Champions League (@ChampionsLeague) August 13, 2021
Меѓу кандидатите за најдобар напаѓач нема играчи од Челси и Сити, бидејќи тука се Роберт Левандовски од Баерн, Ерлинг Халанд од Борусија Дортмунд и Килијан Мбапе (ПСЖ).
Имињата на добитниците на наградите ќе бидат објавени на 26 август во Истанбул (Турција), за време на жрепката за групната фаза од Лигата на шампионите (2021/2022).