Уапсена банда во Италија – Со електрошокови и сексуални цртежи ПЕРЕЛЕ мозоци на деца
Уапсени се 18 лица, вклучувајќи градоначалник, лекари и социјални работници, обвинети за лажење на деца дека нивните родители ги злоупотребуваат за да можат да ги продадат на згрижувачки семејства.
Истрагата во градот Реџо Емилија почнала лани, при што е откриена мрежа на учесници, кои користеле методи како електрошокови за перење мозоци на децата, притоа убедувајќи ги дека се сексуално злоупотребувани. Децата потоа биле продавани на други луѓе, а подароците и писмата што им ги праќале нивните родители не ги добивале. Овие предмети биле најдени во едно складиште.
Терапевтите се облекувале како зли ликови од детски приказни, а покрај електрошокови, се користеле и цртежи со сексуална конотација.
– Овие обвинувања, ако се докажат, се застрашувачки и шокантни – соопшти италијанскиот премиер, Џузепе Конте.
Меѓу уапсените е и градоначалникот на Бибијано. Полицијата не објави за колку деца станува збор, но во игра биле стотици илјади евра.